မလေးရှားနိုင်ငံ ပညာရေး အကျဉ်းချုပ် (Malaysia Education))

မလေးရှားနိုင်ငံ ပညာရေး အကျဉ်းချုပ်
 

မလေးရှားနိုင်ငံတွင် ကျောင်းအမျိုးအစား (၆) မျိုးရှိသည်။
- Public Universities
- Private Universities
- Foreign University Branch Campuses
- Private Colleges
- International Schools
- Open and Distance Learning Institution

English စာဝင်ခွင့်သတ်မှတ်ချက်မှာ IELTS ရမှတ် “Band 5.5” နှင့်အထက်ရှိရမည်

“မလေးရှားနိုင်ငံမှာရှိတဲ့ ကမ္ဘာ့ထိပ်တန်းတက္ကသိုလ်ဝင်ခွင့် သတ်မှတ်ချက်တွေကမြင့်တယ်။ နိုင်ငံတကာနဲ့ ရင်ပေါင်တန်းနိုင်တဲ့ အရည်အသွေးမီ Graduate Resource Personal ကို မွေးထုတ်ပေးနိုင်တယ်။ အင်္ဂလိပ်ဘာသာစကားကို အဓိကအခြေခံထားပြီး သင်ကြားပေးနေတာကြောင့် အင်္ဂလိပ်စာအရည်အသွေးကောင်းမွန်ပြီး မှန်ကန်တဲ့ အဆင့်မြင့် ပညာရေးကို သင်ယူလို့ရပါတယ်လို့” Myanmar Search International (MSI) ၏ မန်နေဂျင်းဒါရိုက်တာ ဒေါ်စုစုလှိုင်မှ အကြံပြုပါတယ်။

အလုပ်အကိုင် အခွင့်အလမ်း

အရှေ့တောင်အာရှမှာ အလုပ်အကိုင်အခွင့်အလမ်းအများဆုံးက စင်ကာပူလို့ပြောလို့ရတယ်၊ များသောအားဖြင့် နိုင်ငံခြားမှာ ဘွဲ့ရပြီးတဲ့ ကျောင်းသား/သူအများစုက အရှေ့တောင်အာရှမှာ စင်ကာပူ၊ မလေးရှားနဲ့ ထိုင်းနိုင်ငံတွေမှာ အလုပ်လုပ်ကိုင်ကြတယ်။ တချို့က မြန်မာနိုင်ငံမှာ ပြန်လည်လုပ်ကိုင်ကြပြီး ခံစားခွင့်အနေနဲ့ (USD 700) ကနေ (USD 1000) ဝန်းကျင်ခန့်ရကြတယ်။ မိမိရတဲ့ဘွဲ့ဟာ အရည်အသွေးမီပြီး နိုင်ငံတကာအသိအမှတ်ပြုဘွဲ့ဆိုရင် အလုပ်အကိုင်အခွင့်အလမ်း လွယ်ကူပါတယ်။

အဆင့်မြင့်ပညာ သင်ယူခြင်းနှင့်ပတ်သက်ပြီး အကြုံပြုချက်

မလေးရှား တစ်နိုင်ငံလုံးမှာ ကျောင်းပေါင်း (၄၀၀)ကျော် ဝန်းကျင်ရှိသော်လည်း Ministry of Higher Education (MOHE) နှင့် Malaysia Qualifications Agency (MQA) တို့မှ တရားဝင် သတ်မှတ်ထားသော ကျောင်းများကိုသာ ရွေးချယ်တက်ရောက်သင့်သည်ဟု Myanmar Search International (MSI) မှ အကြံပြုသည်။ ၎င်းတက္ကသိုလ်များ၏
ပညာရေးဆိုင်ရာဝင်ခွင့်သတ်မှတ်ချက်များမှာ ဘွဲ့ ကြိုဒီဂရီတန်းအတွက် မြန်မာနိုင်ငံမှ (၁၀)တန်းအောင် ကျောင်းသား/သူများ ၏ (၁) ဘာသာလျှင် ပျှမ်းမျှရမှတ် (၆၀) နှင့် အထက်ရှိရမည်။ IGCSE အောင်မြင်ပြီးသော ကျောင်းသား/သူများသည် “Grade C” နှင့် အထက် ရှိရမည်ဖြစ်ပြီး “၅ ဘာသာ” နှင့်အထက် ဖြေဆိုအောင်မြင်ပြီး သူများ ဖြစ်ရမည်။
Public University ၁၀ ကျောင်းခန့်ရှိပြီး၊ ဘွဲ့ကြိုဒီဂရီတန်း၊ ဘွဲ့လွန်မာစတာတန်း သင်ကြားနေတဲ့ Private Universities နှင့် College ကျောင်းပေါင်း ၅၀ ခန့်ရှိသည်။ အထက်ဖော်ပြပါ တက္ကသိုလ်ကျောင်းများမှာ မလေးရှားနိုင်ငံ ပညာရေးဝန်ကြီးဌာန၏ အုပ်ချုပ်မှုအောက်တွင် ရပ်တည်လျက်ရှိသော Malaysia Qualifications Agency
(MQA) အဖွဲ့အစည်းတို့မှ စိစစ်ရွေးချယ်ထားပြီး “Over All Structure”  အရ “Tier 5 Excellent Award”  နှင့် “Tier 4 Very Good Award” ကို လက်ခံရရှိထားကြသော တက္ကသိုလ်များဖြစ်ကြသည်။ ၎င်းအဆင့်သတ်မှတ်ချက်များသည် Talent, Resources and Governance, Focuses on Curriculum, Quality of Graduates, Graduate Satisfaction တို့ ပေါ်တွင် တိုင်းတာစိစစ်၍သတ်မှတ်ခဲ့ကြခြင်းဖြစ်သည်။ အဆင့်သတ်မှတ်ချက်များမှာ -
(1)    Tier 6: Outstanding
(2)    Tier 5: Excellent
(3)    Tier 4: Very Good
(4)    Tier 3: Good
(5)    Tier 2: Satisfactory
(6)    Tier 1: Weak   တို့ဖြစ်ကြသည်။
ထို့အပြင် ဘာသာရပ် တစ်ခုချင်းစီ၏အရည်အသွေးသတ်မှတ်ချက်များပေါ်မူတည်ပြီး အဆင့်များကို ထပ်မံ၍သီးခြားသတ်မှတ်ခြင်းဖြင့် ပညာရေး အဆင့်အတန်းများကို မြှင့်တင်လျက် ရှိသည်။

လေ့လာသင်ယူမှုနှင့် ကြိုတင်ပြင်ဆင်သင့်သည့် အချက်များ

“မလေးရှားနိုင်ငံမှာရှိတဲ့ ကျောင်းတော်တော်များများဟာ E-Learning System ကို ကူးပြောင်းသင်ယူနေကြပြီး ဖြစ်တဲ့ အတွက် Online ကို တွင်တွင်ကျယ်ကျယ် အသုံးပြုဖို့ လိုအပ်ပါတယ်။ ကျောင်းသားတစ်ယောက်ချင်းစီမှာ account ၁ ခုစီရှိကြတယ်။ အဲဒီ Account ကတော်တော်ကို အရေးကြီးတယ်။ ဆရာတွေက Homework, Assignment တွေပေးရင် အဲဒီကပဲပေးပြီး၊ ကိုယ်က Assignment ပေးတော့မယ်ဆိုရင်လည်း online က ထပ်ရတယ်။ ကိုယ့်ရဲ့ Grade တွေကိုလဲ ဆရာတွေက အဲဒီမှာပဲ တင်ထားပေးထားတယ်။ ဆရာတွေ သင်ခဲ့တဲ့ power point တွေ၊ အခြားစာတွေနဲ့ ပတ်သက်တာတွေကိုလည်း အဲဒီ account ကနေပဲ ယူရတယ်။ ဒီမှာက အကုန်လုံး Internet ၁ ခုနဲ့ပဲ အလုပ်လုပ်ရတယ်။ အဲတော့ Internet မရှိရင် နောက်ဆုံး စာကြည့်ရတာကအစ အဆင်မပြေဘူး။ ကျောင်းကလည်း အင်တာနက်ကို ကောင်းကောင်း ပံ့ပိုးပေးထားတယ်။ နိုင်ငံခြားမှာ ကျောင်းသွားတက်မယ့် ကျောင်းသား၊ ကျောင်းသူတွေအနေ English Language နဲ့ Computer Skills ကို ကျွမ်းကျွမ်းကျင်ကျင်သင် ထားသင့်တယ်။ Presentation Skills နှင့် PowerPoint ကို ကျွမ်းကျွမ်းကျင်ကျင် လုပ်တတ်ဖို့ကြိုတင်ပြင်ဆင်ထားသင့်ပါတယ်။

အင်္ဂလိပ်စာအတွက် ပြင်ဆင်ခြင်း

မိမိ လျှောက်ထားမဲ့ တက္ကသိုလ်တွေရဲ့ ဝင်ခွင့်သတ်မှတ်ချက်ပေါ်မူတည်ပြီး IELTS (or) TOFEL ကို ကြိုတင်ပြင်ဆင်ရမယ်။ (သို့) သက်ဆိုင်ရာ တက္ကသိုလ်ကျောင်းတွေရဲ့ English Placement Test (EPT) ကို ဖြေဆိုပြီး တက်ရောက်လို့ ရပါတယ်။

ဘာသာရပ်ရွေးချယ်ခြင်း (သို့) အသက်မွေးဝမ်းကျောင်း ရွေးချယ်ခြင်း

ယခင်ကမြန်မာကျောင်းသားအများစုသည် မိမိဝါသနာပါသော ဘာသာရပ်ထက် အလုပ်အကိုင် အခွင့်အလမ်းများသော ဘာသာရပ်များကိုသာရွေးချယ်သင်ယူကြပါတယ်။ ယခုနောက်ပိုင်းမှာ မိမိဝါသနာပါတဲ့ ဘာသာရပ်ကို မိဘတွေက လွတ်လပ်စွာ ရွေးချယ်ခွင့်ပေးလာကြတဲ့အတွက် မြန်မာကျောင်းသားအများစုဟာ IT, Engineering (Civil,
Mechanical, Electrical), Tourism & Hospitality, Architecture, Interior Design, Medicine စတဲ့ ဘာသာရပ်တွေကို ရွေးချယ်လာကြပြီး လုပ်ငန်းအတွေ့အကြုံပါ ယူချင်တဲ့အတွက် အလုပ်သင်ကာလ (Internship) ပူးတွဲပါတဲ့ တက္ကသိုလ်ကျောင်းများကို ရွေးချယ်မှုများလာကြတယ်။

အကြံပြုချက်

ကျောင်းလျှောက်ရာတွင် Normal Process နဲ့ကျောင်းလျှောက်မယ်ဆိုရင် (၂) လ၀န်းကျင်ကြာပေမယ့် Scholarship ပညာသင်နှစ်ကင်းလွတ်ခွင့်၊ ဘာသာရပ်ကင်းလွတ်ခွင့်နှင့် လျှောက်မယ်ဆိုရင် (၃) လ ၀န်းကျင်ခန့်စောပြီး လျှောက်ထားဖို့အကြံပြုပါတယ်။ မလေးရှားနိုင်ငံမှာ သွားရောက်ပညာသင်ကြားနေတဲ့ မြန်မာကျောင်းသားအများစုမှာ မလေးရှားနိုင်ငံတွင် (၁) နှစ် သို့မဟုတ် (၂) နှစ်ဦးစွာ ပညာသင်ယူပြီး ကျန်ရှိနေသော ပညာသင်နှစ်များကို UK, USA, Switzerland, Canada, Australia စတဲ့နိုင်ငံကြီးတွေမှာ သွားရောက်ကူးပြောင်းသင်ယူနေကြတယ်။ မလေးရှား Foreign Branch Campuses မှာတက်ရောက်နေ တဲ့ ကျောင်းသား/သူတွေက မလေးရှားနိုင်ငံမှာပဲပညာကို ဆုံးခန်းတိုင်အောင်သင်ကြားကြတယ်။
(ဥပမာ Nottingham (UK), Monash (Australia), Curtin (Australia) တို့ကဲ့သို့သော တက္ကသိုလ်များ) တက္ကသိုလ်အကြို Foundation တန်းအတွက် ဆိုရင်လည်း နိုင်ငံတကာအသိအမှတ်ပြု Pre University များဖြစ်ကြတဲ့ CPU, CAL, IB, SAM တို့မှာ (၁) နှစ်ခန့်တက်ပြီး ဘွဲ့ဒီဂရီတန်းအတွက် နိုင်ငံကြီးတွေကို ကူးပြောင်းပြီးသင်ယူကြတယ်။ မလေးရှားနိုင်ငံမှာ တက္ကသိုလ်အကြို Foundation တန်းပညာသင်ကုန်ကျစရိတ်အနေဖြင့် ကျောင်းလခ နေထိုင်စားသောက်စရိတ် အပါအဝင် စုစုပေါင်း ကျပ်သိန်း (၁၂၀)၀န်းကျင် ခန့်ရှိတယ်။ ဘွဲ့ဒီဂရီတန်း အောင်မြင်ပြီးဆုံးသည် အထိ တက်ပါက စုစုပေါင်းကျပ်သိန်း (၅၀၀) ဝန်းကျင် ခန့်ကုန်ကျမည်ဖြစ်ပြီး (၈)ကြိမ် သို့မဟုတ် (၁၀) ကြိမ်အရစ်ကျ ပေးသွင်းနိုင်တဲ့အတွက် ကုန်ကျစရိတ် သက်သာပြီး အရည်အသွေးမီတဲ့ အနောက်နိုင်ငံတွေရဲ့ ဘွဲ့ကိုရရှိမှာဖြစ်ပါတယ်။
မလေးရှားနိုင်ငံမှာစပြီး တက်ရောက်ပညာသင်ကြားမယ့် ကျောင်းသား/သူများအနေနဲ့ မိမိပညာသင်ကြားမယ့် နိုင်ငံကျောင်းပတ်ဝန်းကျင်နဲ့ သိပ်မရင်းနှီးသေးတဲ့ အတွက် ကျောင်းသား/သူများအနေနဲ့ ကျောင်းရဲ့ ပရ၀ုဏ်အတွင်း (၆)လ သို့မဟုတ် (၁) နှစ်လောက်နေထိုင်ပြီး ကျန်ပညာသင်နှစ်များကို ကျောင်းရဲ့အပြင်မှာ အုပ်စုဖွဲ့အဆောင်ငှားပြီး နေထိုင်သင့်ပါတယ်။ အပြင်အဆောင်က ကျောင်းအဆောင်ထက်ကုန်ကျစရိတ်သက်သာ၍ ပိုပြီး လွတ်လပ်တဲ့အတွက် အပြင်ဆောင်မှာပြောင်းရွှေ့ပြီးနေထိုင်ဖို့ အကြံပြုပါတယ်။
 

Comments

There are no comments

Post a comment